Ventetid

I dag har det kome snø, og i morgon er det første søndag i advent. Eg gler meg som berre det! Advent er igrunn like så fint som sjølve jula, bortsett frå at jula er endå mindre kvardag og meir... Vågstranda på ein måte :) Iallfall i år. Men fram til vesle julaften er det Trondheim som er plassen å vere, og det treng absolutt ikkje å vere så dumt det heller.

Eg har pynta litt i heimen i dag, med adventsduk (bursdagsgåve på forskudd frå flinke oversøster), svibel, og fjorårets eigenproduserte adventskreasjon. I tillegg har eg sett den sjuarma i vinduskarmen, hengt opp stjerna, og gjort klar adventskransen på kjøkkenbordet. Men ingen av desse skal tennast før i morgon, for tenk at så prinsippfast er eg! ;)

Mens frost og vintermørke rår,
begynner kirkens nye år.
Og våre sinn skal være vendt,
mot lyset som på jord er tent.

Svein Ellingsen, NoS nr 23