Strikkenytt

Mine strikkevener har etterlyst strikkerier her i det siste. Vel, altså, heilt stillstand har det ikkje vore, men det har gått sakte framover. Dels skulda tynne pinnar, og dels skulda ein bølgedal når det gjeld motivasjon. Som sagt i førre innlegg har keisaren no sett dagens lys, og sjølv om dette settet ikkje skal passe før til hausten gav inntoget hans motivasjonen min eit spark bak. Og det er jo bra, for då kan eg jo snart starte på andre ting! Etter at dette biletet vart knipsa tidlegare i dag har eg fått sydd saman skuldrene etter særdeles gode tips frå frøken ij's tipsside (under "sammensying"). Med kitchensting vil ikkje keisaren merke noko til saumen på skuldrene heldiggrisen! No gjenstår berre halskant og stolpar og knappar og litt montering og trådfesting, så er settet, som er strikka i Mandarin Petit etter mønster frå SandnesGarn, klart til overlevering :)




Innimellom jakka har eg strikka desse pulsvarmarane og calorimetry etter ca denne oppskrifta. Det er sånt som passar betre å ha med seg på korøving, quiz etc, enn jakker der mønster skal strikkast frå vranga og slik skit ;) Manglar berre ein knapp i calorimetryen så er eg klar for hausten igjen... Veldig nøgd med farga. Garnet eg brukte er Kitten Mohair.



Elles i pinsa har eg gjort mykje kjekt. I dag, til dømes, har eg vore på kafé med ein herleg gjeng frå teiknspråkklassen i timesvis! I går var det vel ein ganske roleg dag på mange vis, men på laurdag var Kristine, Steffen og eg på biltur til Sverige. Mest for turen sin del, men vi handla jo litt også. Litt kylling, litt godis, litt cider, og naturlegvis korv och glas :) Vi stoppa på Skatval og fekk servert kaffe og kaker i solveggen, sette att Kristine der, og for heim til oss sjølve på Steinan og fyrte opp grillen. NYDELEG dag!