Ronja

Hugsar de Ronja Røvardatter? Då hugsar de kanskje vårskriket hennar? Ho måtte skrike, viss ikkje sprakk ho sa ho. Litt sånn har eg det no. Det er så herleg med vårsola, vårvarmen, vårfargane og alt som har med våren å gjere! Men eg får meg ikkje til å hyle og skrike i tettbygd strøk, så eg prøvar å sprudle i stadan. Eg har fri frå jobb i dag, det er varmt, og eg har nytta høvet til å bruke vårenergien min til praktiske gjeremål utandørs.

Eg har skifta dekk på bilen.

Sjå kor fort eg jobbar! ;)

Eg har vaska vindua våre.

Takk og lov for Jif vindussystem! Vindusvask er ein leik etter at det kom i hus :) Når eg først vaska vindu syns eg at eg måtte vaske dei innvendig også, sjølv om det skar i hjartet å opphalde seg innandørs. Golvvsaken får vente til det blir kveld og kjølegare, og resten får vente til ein regnversdag!

Og kva har Mannen gjort?

Vel, litt nyttig har han gjort også. Det er jo masteroppgåveskriving det går i for tida, og sånn må det vere. Han er flink og står på :)

I kveld står årets første grilling på programmet. Hos Line og Eivind. Det blir veldig godt, og veldig kjekt! Det er eg overbevist om :) Kanskje blir det like fint ute i kveld som i går? Mannen hadde vore ute med Nikon etter at eg hadde sovna.

Og fram til då, og seinare også såklart, skal eg fortsette å nyte våren, og vårfargane.

Ikkje berre på øl da (som forøvrig ser mykje lekrare ut en det smakar! Kjøpt i Berlin; Berliner Weiße mit Schuss).

Nyt våren folkens! Det går mot nye årstider :)