8 år

-8 år med kva då? sa Mannen.
-Med mas? sa eg.
Då smilte han det lure gliset sitt med smilehola som visest godt trass i skjeggveksten. Eg tolkar det som at det ikkje har vore berre mas då iallfall. Og det maset som har vore har vi tålt gjennom dei 8 åra vi har vore eit par. Måtte vi tåle det 8x8 til! Og eg har trua, for:

Kjærleiken er tolmodig, kjærleiken er velvillig,
misunner ikkje, skryter ikkje, er ikkje hovmodig.
Kjærleiken krenkjer ikkje, søkjer ikkje sitt eige,
er ikkje oppfarande, gøymer ikkje på det vonde.
Han gleder seg ikkje ved urett,
men gleder seg ved sanninga.
Alt held han ut, alt trur han, alt vonar han, alt toler han.
Kjærleiken tek aldri slutt.
...
Så blir dei verande desse tre: tru, von og kjærleik.
Og størst av dei er kjærleiken.

Det må vere noko av det klokaste Paulus har sagt spør du meg! Og det klokaste valget eg har tatt var valget eg tok ute på Mjøsisen for 8 år sidan :)
Og med dette sitatet trur eg jammen eg har tatt utfordringa frå Kari på strak arm også, eller kva seier du Kari? Så då trur eg eg sender utfordringa vidare til Frøken IJ. Kanskje ho vil dele eit sitat med oss på sin blogg?