Kor artig!

Ja, det går mykje i kor for tida. Etter Mahlerprosjektet har vi hatt diverse oppdrag. Vi har vore øvingskor for eit knippe dirigentstudentar, og har brukt mykje tid på å lære oss sangane til dirigentseminaret i helga. I tillegg vart vi spurde om å vere med på ei radiogudsteneste i Berg kyrkje, så i dag kunne alle P1-lyttarar høyre oss direkte på eteren. Dersom du ikkje fekk det med deg, men likevel kunne tenke deg å høyre oss, kan du klikke deg inn på nettradioen på nrk.no. (P1, Gudstjenester, 10.04.11). Kammerkoret Aurum syng to sangar; Ubi Caritas av Ola Gjeilo (12,5 minutt ut i sendinga) og I Himmelen av Grieg (45 minutt ut i sendinga). Vi hadde med oss Lars Eggen som solist på sistnevnte.
Men livet består av meir enn kor, sjølv om det kanskje ikkje har verka sånn dei siste vekene... Uansett; det blir stadig meir vår i véret, vi har feira fire års bryllupsdag med herleg heimelaga andemiddag, magen struttar meir og meir, og Lille Trille gjev stadige livsteikn. Eg trur han er perkusjonist, bass og fotballspelar ;) Formen er fin, det er snart påskeferie i Romsdalen, og no; vaniljeis med sjokoladesaus!