Gladmelding!

Utdrag frå TA:

Abonner på din egen elg!
Nå kan du «kjøpe» en elg i et helt år, og følge den på sin ferd ute i skogen. Takket være GPS-sendere kan du sitte hjemme med Internett og se hvor elgen din til enhver tid befinner seg.
Det er gjennom elgprosjektet til Løvenskiold Fossum i Skien og Fritzøe Skoger i Siljan det lar seg gjøre å abonnere på en elg. Det ble i januar merket 18 elger med GSP-sendere og 19 elger ble radiomerket med VHF i Løvenskiolds og Fritzøes skoger.
- Du kan gi elgen din et navn, for eksempel «Tor» eller «Kari». Og se hvor «Tor» eller «Kari» er i dag, sier prosjektleder Bent Thorkildsen. Det vil koste 10 000 kroner å adoptere en elg i et helt år. Disse inntektene vil være med og finansiere prosjektet.
Elgprosjektet er et samarbeid med Høgskolen i Hedmark og Storelvdal grunneierforening. Det er godkjent og støttet av Norges forskningsråd og Direktoratet for naturforvaltning. Når elgen er bedøvd blir det også tatt blodprøver av den til forskning. Formålet med prosjektet er å øke slaktevekten på elgen, som har gått veldig mye ned de siste åra på Østlandet. De vil kartlegge hvor elgen beveger og beiteforholdene. Det er lagt ut rundballer av havre og gras mange steder i skogen som elgen kan forsyne seg av som vinterfòr. Thorkildsen sier de vet at elgen liker proteinrik rogn, osp og selje. Derfor har de felt mange osp og seljer vinterstid. Skuddene og knoppskytingen fra disse trærne er noe elgen liker. -Vi øker matfatet til elgen både om sommeren og vinteren. Det er om sommeren elgen legger på seg, mens den tar av om vinteren. Hvis vi kan forhindre at elgen i stedet for å ta av 20 kilo bare tar 10 kilo om vinteren, så har vi oppnådd mye, mener Thorkildsen.

Tenk å ha sin eigen elg! Sukk... Dei får det verkeleg til i Telemark altså. Dei kan dette med å bruke arbeidskapasiteten som finst også forresten. På Likningskontoret/folkeregisteret har dei for eksempel ei dame som har som arbeidsoppgåve å dele ut kølappar til kundane!

Bra tur

Eg har som kjent vore vestpå nokre dagar, og her er kva som skjedde:
Torsdag 8. februar: Klokka 1600 landar Vildanden på Flesland, heilt i rute. Bittelitt turbulens på slutten var det visst, men det gjekk veldig bra. Oversøster (det er det eg kallar storesøstra mi) skulle hente meg på Flesland, men det var venninna hennar som stod der då eg kom. Javel, tenkte eg. Det er vel ein del av overraskinga oversøster har forespeila meg, tenkte eg. Venninna sa ingenting om det medan vi køyrde til sentrum. Der møtte vi oversøster på Zupperia, men der var det så fullt at vi bestemte oss for å gå på indisk i Marken i staden. På veg dit gjekk vi forbi eit lagerutsalg der det hang mange brudepikekjolar i vindauget. Så fekk eg ordna det :) Herleg. Den indiske maten var også god, og medan vi sat der dukka det opp ei venninne av venninna. Så var vi fire. Nei, no må vi kanskje tenke på å reise, sa oversøster, og så gjorde vi det. Og så kom overraskinga; smykke- og veskeparty. Det var faktisk ganske artig. Eg kjøpte meg eit smykke, men det artigaste var eigentleg å suge inn inspirasjon til eigen produksjon.
Fredag 9. februar: Eg stod opp før niesa mi (som eg ikkje hadde sett sidan mai i fjor) og sat på stova då ho kom inn. Ho bråstoppa før ho sa: "Det er litt mørkt her. Du kan godt skru på lyset". Etter frokost reiste oversøster på eit møte, og tante Ingeborg var barnevakt. Det var i dette tidsrommet eg vart introdusert for Frosken. Frosken er med på alt; han blir påkjørt av Storebamsen, må til legen (der han for øvrig er veldig, veldig flink), han snakkar, et, søv og hjelper til med å lage middag.
På fredag var vi forøvrig ute i hagen og gjekk på ski. (Ski med snømann på - berre så de veit det). Ganske artig må eg seie. Utpå dagen kom også onkel Steffen, og det er jo alltid stas. Jippi - eg har ein mann med barnetekke :D

Laurdag 10. februar: I dag "gjorde" vi Lonevåg. Vi kikka i nokon av butikkane, men først og fremst handla vi inn mat. Niesa mi var på leikerommet ved Remaen, og tante og onkel fulgte med henne. Tante og onkel hadde kjøpt seg milkshake og litago sjokolademjølk som ho fekk smake på. Resten av milkshaken brukte eg til å bade mobiltelefonen min i, medan sjokolademjølka heldt seg utover dagen. Den var faktisk opprinnelsen til helgas store sitat: "Onkel Steffen? Kan eg få smake litt meir på sånn ku-juice?" HA-HA! Etter Lonevåg var vi hos svigerforeldra til oversøster og akte. Vel heime fortsette vi å leike, og SÅ - det beste eg veit for tida; Lasagne.

Søndag 11. februar: Barselbesøk må vere noko av det koselegaste som er. Denne gongen var det Jonas, 3 veker, eg ønskte velkomen. Han er sonen til ei studievenninne. Dei er så gode desse små! Etter barselbesøket var vi (eg, Steffen og oversøster med familie) på Peppes før vi tok banen opp på Fløyen for å ake. Frisk luft, bra utsikt, artig niese, bra dag.

Mandag 12. og tirsdag 13. februar: Eg skulle jo eigentleg på kurs desse dagane, men det vart avlyst grunna få påmelde. Eg nytta difor høvet til å hospitere hos ein tidlegare praksisvegleiar. Eg følte eg fekk bra utbytte av hospiteringa, både gjennom observasjonar og samtalar. Det er fint å kome tilbake til Porsgrunn med nye øvelsesforslag i bagasjen.

Bra tur.

Bergen - here I come!

I morgon sett eg meg på flyet til Vildanden frå Skien til Bergen! Kjære Bergen :) Og endeleg skal eg få sjå mi lille prinsesse igjen! Det er skammeleg lenge sidan sist... Kanskje ho ikkje kjenner meg igjen? Eg får håpe foreldra har gjort eit godt arbeid i form av kikking i fotoalbum og heiderleg omtale i mellomtida... Referat frå turen kjem i midten av neste veke.

Tikketitong - so long!

Treng eg å seie meir?

Reklame for heimtraktene mine

Oppvakte lesarar har kanskje allereie lagt merke til den nye linkspalta mi i høgremargen; heimtraktene mine. Eg har, på godt og vondt, vokse opp i ei lita bygd i Rauma kommune, der Åndalsnes er hovudsete. Bygda eg voks opp i heiter Vågstranda. (Dersom du nettopp trykte på linken kom du til wikipedia si side om Vågstranda. Der kan du lese litt fakta om bygda. Vågstranda har faktisk si eiga heimeside, men så lenge den ikkje blir oppdatert ventar eg med å legge ut link. (Ja du kan godt ta det som eit hint pappa)).

Idrettslaget oppdaterer infosidene sine litt oftare. Der kan ein finne ut om skiløypene er klare, få tips om skismurning, og følgje med på diverse små og store begivenheiter. Då eg var ung var det, for å sette det litt på spissen, to vegar å gå: musikkskule/korps (som eg valde) og idrett (ski, friidrett, fotball). Vågstranda har etter det eg veit ikkje noko eige fotballag for tida. I samarbeid med nabobygdene kan ein likevel oppretthalde eit tilbod. Måndalen (som har spelarar frå fleire bygder i kommunen, mellom anna Vågstranda) rykka opp til 3.divisjon (?) førre sesong. Gratulerer! (Ekstra stas at Åndalsnes ikkje gjorde det såklart...) Måndalen trengte ein opptur denne sesongen, etter den tragiske trafikkulukka der fire ungdommar omkom i februar i fjor. I ei så lita bygd blir alle berørt når slikt skjer, og eg trur nok idretten, og då særleg fotballen, har vore til god hjelp for mange.

Rauma kommune har kanskje først og fremst mykje flott natur å by på. Vi er jo midt i det velkjente Moldepanoramaet! Vi blir stadig flinkare til å utnytte dette i forhold til turisme, men også for lokalbefolkninga.Norsk Fjellfestival er nok det beste dømet på dette. Diverse turar, konsertar, foredrag og kurs med natur som raud tråd har vorte eit trekkplaster dei siste åra. 5.-17. juli 2007. Eg berre nemner det. Og for eit samantreff! Den 16.juli startar Molde internasjonale jazzfestival! Fjellfestivalen har også ei vintertilbod; Romsdalsvinter. 8.-11. mars i år går denne "festivalen" av stabelen - for først gong faktisk. Du verden.

Er du meir opptatt av musikk enn av fjell har eg allereie nevnt jazzfestivalen. Den er jo anerkjent, da. Den er riktignok ikkje i Rauma, men det er så nært at det går greit likevel. Er du litt meir august- og rocketypen, seier du? Ingen problem; då er det nemleg Raumarock. 3. og 4. august for å vere nøyaktig. Betre og betre artistar for kvart år!

Vel, det var litt reklame det. Heilt ærleg - det er verdt turen!

Fotografering forbode...?

I helga var det innflytningsfest hos Åshild og Espen i Oslo. Vi booka inn i residensen deira fredag kveld som lengst reisande og først ankomne. Eg var trøtt etter å ha stått opp tidleg for å tene til livets opphald, medan Steffen var kvalm etter eit relativt dårleg fastfoodmåltid på Bergbys før avreise... Til trass for dette vart det ein hyggeleg kveld, mykje takka vere godt vertskap og trivelege gjestar! 34 stk (=68 sko!?) inne i ei 45-kvadrats leilighet var meir enn nokon av oss hadde forventa, men med nokon på kjøkkenet, nokon i gangen og nokon i stova gjekk det strålande! Potetgull, dip, smågodt, sjokolade og anna snadder stod dandert rundt omkring, men det kjekkaste av alt var å sjå att folk ein ikkje hadde sett på veldig, veldig lenge!
Etter å ha sove frampå litt på laurdag tok eg og Steffen ein liten bytur. Målet mitt var å finne brudesko, men det fann eg ikkje. Derimot fann eg ein topp. (Bombe!) Så kjøpte vi oss middag før vi returnerte til vertskapet, for så å vende nasen mot svigers. Før vi køyrde til Hønefoss frakta vi Åshild og Espen til storebroren til Åshild. Då køyrde vi forbi mange store, dyre hus, ja, men viktigst av alt; huset til Drillo! Du verden, alt ein kan gjere i Oslo.
I Hønefoss sov vi faktisk det meste av tida trur eg. (Hyggelege gjestar ja...) Men vi fekk med oss at årets spelemann vart Vamp :) Det var bra. Då vart vi glade begge to. Etter middag returnerte vi til Porsgrunn i snøføyka. Ikkje ideelle køyreforhold nei, men det gjekk jo.
Bilder frå helga seier du? Nope. Men no har vi iallfall kjøpt batteri, så det er håp!

Så det så

Etter ei rekkje kommentarar på ein annan blogg (ia-ia-ååå) vart eg frista til å finne ut noko om min eigen fødselsdato. Der var det nokon som hadde same fødselsdato som Leah Isadora, Shakira, kong Haakon... Her er noko av det eg kan skilte med:

I 1652 vert kometen C/1652 Y1 observert av Jan van Riebeeck. Colombia erklærer seg uavnhengig frå Spania i 1819. Den første vellukka flygninga med eit motordreve fly vert gjennomført av brørne Wright i 1903. Også i desember da?? Det hadde eg ikkje trudd. I 1969 startar SALT I-samtalane. 17. desember 1989 var eit ekstra begivenheitsrikt år, for då heldt Brasil sitt første frie val på 25 år - samtidig som den første episoda av The Simpsons blir sendt. I 2001 vert Sam Cooke-dagen (kva no enn det er) proklamert i Los Angeles County, Mississippi og Chicago. Jepp.

Mange er født 17. desember; Joseph Henry, Sophus Lie, Olav Selvaag, Jacqueline Hill, Constantin Freiherr Heereman von Zuydtwyck (du verden...), Ray Wilson, Jorge Mario Bergoglio, Klaus Kinkel, Kåre Valebrokk, Fritz Moen, Paul Butterfield, Aleksander Beljavskij, Bill Pullman, Rocco Mediate, Paula Radcliffe, Tim Clark, Andrew Davies, Eva Weel Skram, Jin Sun-yu, Kristina Hjartåker, Miriam (i o-koret), og halvsøstra til ei i klassa mi på barneskulen.
Også ei historisk hending til: meg. Ikkje verst berre det ;)