Kva er det som skal til?

No har det skjedd igjen. I helga omkom ein mann i ei trafikkulykke mellom heimbygda mi og nabobygda Måndalen. Dei siste 30 åra har det på Europaveg 136 mellom Vestnes og Måndalen (ei strekning på ca fire mil) i følgje statistikken skjedd éi dødsulykke kvart år i snitt. Det er ikkje meir enn to år sidan fire ungdommar frå Måndalen omkom i ei bilulykke her. To av dei var søsken. Dette er skulevegen til mange barn og ungdommar i Vestnes og Rauma kommune. Det er ikkje nok å rette ut ein og annan sving eller gjere bitar av vegen litt breiare! Følgjande er henta frå Stortinget sine nettsider: "Vegstandarden på strekningen er høyst kritikkverdig og langt fra god nok med tanke på de krav som stilles, både miljømessig og i forhold til det å få ned ulykkesstatistikken(...) Med bro over Tresfjorden vil trafikantene spare 14 km. Det betyr atskillige millioner kilometer innspart kjøring over et år, som igjen sparer tid, miljø og ikke minst menneskeliv. (...) På den svært smale strekninga gjennom Måndalen [mellom Måndalen og Vågstranda] står deler av vegen, som ble bygget under siste verdenskrig, i fare for å rase ut og ned i sjøen. Det er ikke hensiktsmessig eller mulig å utbedre det utsatte området. Eneste fornuftige løsning vil være snarest, før det oppstår en alvorlig ulykke, å erstatte strekningen med tunnel Måndalen-Våge".

Slekt, vener og kjenningar av meg køyrer her dagleg. Etter dagens plan står det tunnel/bru ferdig om ti år. Med andre ord: ti tapte liv fram i tid.