Våren er her!

Alt er relativt, men personleg kallar eg fjorten dagar utan nye innlegg for bloggtørke. Særleg når vi har vore på stortur i mellomtida! Førre helg var vi nemleg heime i Romsdalen på rekreasjonsopphald. Det er alltid både kjekt og fint i Romsdalen, og når vi i tillegg har véret så til dei grader på vår side er alt berre lekkert :D Bilda nedanfor talar kanskje mykje godt for seg sjølv, men vi fekk altså kvilt oss med god mat, sol, fjelltur, bursdagsselskap for tante, "visning" av den foreløpig ferskaste i slekta (Thomas) og herleg, landsens, frisk luft.

Kvardagen venta når vi var attende i bartebyen, men heller ikkje den er så aller verst. Etter eiveke på jobb og skule, kun avbrutt av quiz på onsdag, følte vi likevel det var på tide å samle vener til ei sosial happening på Steinan. I går var det klart for årets første grilling og kubbseanse. Dessverre gjekk batteria i kameraet ganske tidleg, men vi fekk iallfall bekrefta at Line lot seg fascinere av akvariet! Takk for ein fin kveld til alle som var her :)