Ei vaksen dame

Er det det eg er? Gift. Fast jobb. Stasjonsvogn. Nærare 30 enn 20.

Eg hadde bursdag førre veke. Då runda eg 26, og det var heilt greit. Eg kjenner ikkje den store forskjellen akkurat. Dagen var fin den. Eg fekk cielo sjokolade og gavekort på Spa frå Mannen, takke frå mamma og pappa, bakepensel i silikon og to kjøkkenklutar, kaker, meir sjokolade, sang, glede og mange gode klemmar. Det er hyggeleg med bursdag.

Fleire hyggelege hendingar? Ja. Vi hadde juleavslutning med Aurum. Det var kjekt. God mat og gode folk. Og no er det verkeleg snart jul. I morgon er siste dag på jobb før nærare to veker julefri - i Heradsbygda og på Vågstranda. Det skal bli godt!