Sa-anta-a lu-uci-ia

Det er ikkje ofte eg startar frilaurdagane så tidleg som eg gjorde i dag. Tantebarnet mitt, Ladeprinsessa, fekk tantedag i adventskalenderen sin i dag. Det var ikkje heile dagen da, men det begynte iallfall 07.30. Då møttest vi utanfor Vår Frue kirke i byen. Der skulle det nemleg vere Luciamorgen med Cantus og femteklasse på Tonstad skole. For ein flott start på dagen! Skikkeleg stemningsskapande. Min gode kollega, Lene, er med i Cantus, og jammen hadde ho solo også. Pie Jesu. Eg får gåsehud berre ved tanken. Den er så nydeleg!(Og det er Lene også :))

Etter konserten tok eg med meg den lille prinsessa mi på besøk til nokre slektningar. Søskenbarnet mitt, Anne-Marie, bur her i byen, men eg har aldri møtt henner her. Det betyr også at eg aldri har møtt nokon av dei tre ungane hennar. Difor inviterte eg meg sjølv og niesa på besøk dit i dag, og vi vart tatt i mot med opne armar. Koseleg :)

Tusen takk for ein fin dag ladeprinsessa!

No er det førebuingar til Aurumjuleavslutning det går i her. Og nistrikking på dei siste julegåvene da såklart.