Hos svigers

I helga var vi hos svigers. Det innebar, som alltid, god mat, avslapning og alt det der. Vi fekk nytt litt sol, og polert panseret på bilen. Dette utarta seg imidlertid til eit aldri så lite kostymeparty for min del, med tema "gjenbruk av gamle filler". Plutseleg var eg ei slags krysning av rambo og pocahontas (?), noko som medførte at vårt tidlegare omtalte nye familiemedlem (nikon d70s) kom til nytte - igjen.
Vi feira nyleg 68 år gamle bestefar på laurdag. Meir god mat med andre ord, samt hyggeleg selskap med slekta. Svensk smørbrødkake, sjokoladekake og snickerskake var mellom innslaga på bordet. Utover det gjekk det i bryllupsbilder, bryllupsfilm, klinkekuler, regnjakker, og Nintendo ds med bilar og bikkjer.

Ringkollen, Ringkollen, Ringkollen. Den har eg høyrt ein god del om dei siste fem åra for å seie det sånn! På søndag fekk eg endeleg nytt han med eigne auge, sjel og føtter. Omsider fekk eg sjå kapellet, skistadion, hoppbakken, lysløypa og ikkje minst sjølvaste Ringkolltoppen. Som romsdaling er eg nesten forplikta til å seie: "Det va no ein liten hau innji skoja", men det betyr jo ikkje at eg ikkje likte han! Utsikt kan ein kanskje ikkje rope høgast om herfrå, sjølv om ein ser Gaustatoppen, men ein fin tur var det okkesom - sjølv om vi vart passe våt på beina i dels myrlendt terreng. Det fristar å gå fleire turar i området trass alt :) Kanskje blir det kanotur på Øyangen til sommaren? Tone? Runar? Nala?

Og her er hoppbakken Anders Jacobsen truleg trente i som ung...eh... yngre:


Og litt meir skryt frå barnet vårt: