Familie, strikking, bursdagar og musikk

"Hurra for kongen og Ladeprinsessa!" sa vi i går, og feira med taco, kaker og grand-prix-kveld. Ladeprinsessa fylte fem år, og i den anledning er både oversøster med familie og mamma og pappa på besøk i bartebyen. Og då blir det kalas må vite :)

Prinsessa blir glad for alt som er rosa, og var nok litt letta over at oversøster hadde strikka rosa skjerf og pulsvantar og ikkje batmandrakt!



Det er kanskje ikkje like lett å leve med at det er berre bursdagsbarnet som får bursdagsgåver, men eg syns Gullhår takla det bra. Kanskje det hjalp å låne ei krone, få vere med på skattejakt og finne noko søtt?



Den lille keisaren lot seg iallfall ikkje affisere der han gjekk frå fang til fang og blei utsatt for både kos, rim, regler og sangleikar. Her hos morfar:



I tillegg til Pippi-bok fekk Ladeprinsessa denne stilige lua frå meg og mannen:



Kari og Torbjørn var også her i helga, og Kari slengte seg med på grand prix-kveld hos Line. Det var veldig kjekt å sjå henne att, og endeleg fekk eg overlevert det hemmelege strikkeprosjektet mitt til henne:



Godt nøgd med siger til Alexander i GP sikra eg meg ei godt natts søvn før eg saman med Aurum sang under Høgmesse i Nidarosdomen i formiddag. Dermed gjekk eg glipp av gullet i skiskytarstafetten, men ein kan jo ikkje få med seg alt her i livet. No ventar eg på oversøster med familie som kjem hit på middag i dag, og så blir det kakerestar på Lade igjen etterpå. God søndag :)