Blåsbortdagen :)

Også i dag var motivasjonen til stades for å gjennomføre ein markatur, dels på hjul - dels til fots. Som Romsdaling har eg ofte gjort litt narr av det dei kallar fjell her i distriktet. Likevel blir det jo for dumt å ikkje ha vore på det høgste punktet i Bymarka! 565 moh er jo ingenting for ei romsdalstaus! Så i dag, på sjølvaste blåsbortdagen, la vi altså turen til Storheia. Vi sykla og gjekk om kapp med nokre faretruande regnværsskyer, men blåsborten tok dei med seg forbi oss :) Dermed var det berre vinden og oss sjølve vi hadde å stri med, og det var jo ingen sak! Eller...? Ta ein kikk på denne "filmen"!

Det skal ikkje vere så enkelt! Artig var det iallfall :) Men det nytta ikkje å nyte nistepakka på toppen! Dermed labba vi ned til gapahuken ved Kvistingen, og kosa oss i ly av vinden ei god stund.

På slik ein topptur bør eg vel vise fram litt utsiktsbilete også? Ok, det var litt grått i dag, men eit visst inntrykk fekk vi no uansett. Eg tek gjerne turen igjen, og gjerne i litt mindre blest ;)

Mot Byneset

Forblåst ektepar med Gråkallen i bakgrunnen

Kvistingen